Mizo Zirlai Pawl (MZP) headquarters, Mamit in Govt. Higher Secondary School Mamit-a Geography zirna a awm laia Govt Mamit College-a Geography Dept a awm loh avangin zirlai tam takin harsatna an tawk tih an sawi.

MZP Hqrs Mamit hian Govt College Mamit chu Mamit district chhunga khaw hrang hrang atanga zirlaite pan khawm a ni tih an sawi a, tun dinhmunah , Political Science, Economics, Mizo, English, Education leh History te zir theih a ni an ti a, Geography zir theiha dah tur hian hun rei tak atangin sorkar an lo ngen tawh tih an sawi.