Mizoram Assembly Budget Session March ni 13 a\anga \anah tih tur ruahman zawng zawngte tih zawh a nih hnu, vawiin chawhnu dar 3:27 khan Speaker, Pu Hipheia’n tiam chin awm lovin a titawp ta. Tihtawp hma hian Speaker chuan tun \um Session-a thil tih te a tarlang a, chung zingah chuan Session \an nia House-a Larsap thusawi a tuka sawiho anih hnua pawmpui tak te, member hlui session hmasa leh tun session inkar thi, Pu Lalchunga Chinzah leh Pu J. Kap\hianga te sunna neih a nih thu te, Finance Minister, Pu Lalsawta’n House-a a pharh, kum 2017-2018 atana sorkar sum indaihlohna phuhrukna tur Supplementary Demand for Grants leh kum 2018-2019 Budget te a hman phalna bill te nen pass a nih thu te, sorkar bill dang pathum, The Chite Lui (Prevention & Control of Water Pollution) Bill, 2018 te, The Mizoram Protection of Interests of Depositors (In Financial Establishment) (Second Amendment) Bill, 2018 te leh The Mizoram Salaries, Allowances & Pension of Members of The Legislative Assembly (Sixth Amendment) Bill, 2018, Private Member’s Resolution pahnih, MNF Member, Pu K. Sang\huama put luh chu Congress Member, Pu R. Vanlalvena’n siam\hat a rawtna angin “Hun rei tak a\anga kawng leh lei chhia avanga harsatna kan tawh sukiang tura sorkar hmalakna kal mek hi \ha kan ti” tih leh MNF Member, Pu Vanlalzawma put luh, “Zu leh ruihhlo hluar ta lutukin Kohhran, khawtlang, chhungkua leh mimalah harsatna leh buaina nasa tak min thlen avangin kan harsatna sukiang tur hian theihtawp chhuah ni rawh se” tih te chu pass a nih thu te, zawhna Starred Question pawm 557 zinga 218 chhan a nih thu te, Unstarred Question pawm 43 te chu chhan a nih thu te a puang bawk a, zawhna chhang lo, Department pahnih te chu tun hnuah zawhna \ha taka chhang tawh turin a hriattir bawk.
