Mizoram Assembly inthlanna tun thla ni 28-a vote thlak turah candidate 209 an awm. Candidate te hi Indian National Congress 40, MNF candidate 40, BJP candidate 39, ZPM candidate 38, Zoram Thar candidate 23, Prism candidate 13, NPP candidate 9, NCP candidate 5 leh independent-a ding mi 2 an ni.

Congress leh MNF hian seat awm zawng zawng 40 an chuh kim vek laiin BJP erawh chuan Aizawl South II bialah candidate a dah lova, ZPM chuan Palak leh Tuichawng bialah candidate a dah lo a ni. Independent-a ding mi pahnih te hi Palak biala Pu S. Sathlu leh Hachhek biala Pu J. Lalsailova te an ni. Pu J. Lalsailova hi \ulna a awm thulha Hachhek Constiteuncy NGO Coordination Committee-in party bik awm lova common candidate atana an sawm a ni a, dan pangngaia a hming Returning Officer hnena a pek luh fel hnuah inhnuhdawh leh huna inhnukdawk leh tura thil tihfel ngai a tihfel hman loh avangin candidate angin a hming a lang zui ta a, Hachhek bial NGO Coordination Committee chuan thuchhuah siamin Pu J. Lalsailova hi candidate dang anga ngaih zui loh tur niin an sawi. ZONET zawhna chhangin Pu J. Lalsailova chuan candidate zingah a hming awm mah se inhnukdawk tawh anga a inngaih thu leh campaign zui a tum loh thu a sawi a ni.