Aizawlah chuan Polling Duty-a kal tur te vote thlakna tur hi McDonald Hill-a Govt. Higher Secondary School-ah siam a ni a, hetah hian tun thla ni 19 a\ang khan venhimna hnathawktu tur Police leh inthlanna duty tur dangten vote an thlak \an a, an zingah hian Presiding Officer, Polling Officer te pawh an tel a ni. Tun thlenga vote thlak tawh zat hi 2,068 an tling a ni. Heng zinga mi 459 te chu Police duty tur vawiin chawhma lama vote thlak an ni a, nimin khan mi 874-in vote an thlak a, a \an tirh ni Thawh\anni khan mi 735-in vote an thlak a ni. Hetiang bawk hian District Hqrs. hrang hrangah pawh Polling duty-a kal tur te chu Postal Ballot hmangin vote thlak tir an ni. Hetihlai hian Polling Party lam hlaa kal tur leh hmun hnai zawka duty tur te chhuah dan tur pawh ruahman fel vek a ni tawh a, Mizorama District hrang hrang zinga hmun kilkhawr leh kal harsa tamna ber Lawngtlai District-ah chuan khaw hla zual 59-a kal tur Polling Party te chu tun thla ni 26, karleh Thawh\anniah chhuah tir an ni ang a, a bak zawng Polling Station 102-a duty tur te chu a tuk ni 27-ah chhuah tir an ni ang. Zonet zawhna chhangin Returning Officer, Pu N. Chakhai chuan Lawngtlai District-ah Polling Station 161 a awm a, heng zinga 8 te chu ramri hrul leh Myanmar hel pawlte chet tlatna bul hnaia awm a nih avangin ven uluk ngai zual a ni a, hengte hi Sipai ralthuam keng chi nen te ventir an ni ang.
