Kum 2020-21 Mizoram Budget a pharh paha thu sawiin, Finance changtu Pu Zoramthanga hian fourteenth Finance Commission hun chhunga post devolution Revenue Deficit Grant hi state 11 te tana ruahman a ni tih a sawi a, kum 2019-20 chhungin state 7 chauhin he sum hi an dawng tawh a, tun \umah hian Fifteenth Finance Commission in Grant dawng tur state 14 a thlan chhuah avangin Mizozram sorkar chan tur chu a la hek hle dawn a ni a ti.
Nikum budget estimate ah khan Post Devolution Revenue Deficit Grant hmuh tura beisei zat hi cheng vbc 2716 a ni a, kumin budget a hmuh beisei zat hi cheng vbc 1422 a ni a, a tlakhniamna hi cheng vbc 1294 a ni.
Finance Commission 15-na chuan sorkar chhiah hmuh tur zawng zawng a\anga zaa 41 chu State hrang hrang 28 te insem turin a ruahman tih pawh Pu Rama hian a sawi a, hei hi Finance Commission 14-na hunlaia zaa 42 aiin a hniam zawk tih a sawi a, zaa 41 a\anga Mizoram chan tur zaa 0.506 chu a lungawithlak thawkhat a, hetihlai hian Union Budget a\anga a taka hmuh tura ruahman chu Commission ruahmanna aiin a la hniam zawk dawnin a lang tih a sawi.
Heng thilte avang hian Budget hlawk leh thuthusama \ha beisei theih a ni lo tih Pu Rama hian a sawi a, heng harsatnate hi mahni kea ding thei tura ke pen \anna atan te, sum hmuhna kawng hrang hrang dap chhuahna remchang atan tea hman theih anih chuan thil lawmawm tak a ni thei ang tih a sawi.
Finance commission 15-na in interim report a thehluhah hian thil lawmawm lam pawh a awm tho tih Pu Rama hian a sawi a, thingtlang lam thuam chakna tur Rural Local Body Grant cheng vbc 93 hmuh a ni dawn a, hei hi Finance commission hmasa lama awm lo a ni a ti a, Village Council kaltlanga hnathawhna tur sum heti zat Mizoramin a hmu tur hi thingtlang lam mite tan a lawmawm hle a ni a ti. Hei bakah hian khawpui tih hmasawnna tur sum Urban Local Body Grant chu kuym 2019-20-a dawn tur zat cheng vbc 37 a\angin 2020-21 ah chuan vbc 45 ah tihsan a ni bawk tih a sawi a, chhiatna lo thlen thulha hman tur sum SDRF ah kum kallaia cheng vbc 18 hmuh chu 2020-21 ah chuan vbc 47 ah tihpun a ni bawk tih a sawi.
