He sawi hona Tuikhuahtlanga Central YMA Hall-a neih hi Central YMA President, Pu Vanlalruata’n a kaihruai a, he inrawnkhawmna hi nikuma Champhai Zotlanga YMA General Conference-in Mizoram hmun hrang hranga inkalpawhna kawngpui chu a \ha tur a ni tih a lo rel tawh bawhzuina a ni tih sawiin, Mizoram kawngpuite chu a \ha tur a ni tih chu YMA ngaihdan a nih thu a sawi. Pu Vanlalruata chuan, Mizorama kawngpui siamte chuan duhthu a sam lo fo nia sawiin, hei aia kawngpui \ha neih hi mipuiten an phu a ni, a ti a. Hemi kawnga hmala tur hian PWD nen thawh hona thuthlung siam a nih tawh thu leh chhan eng vang pawhin Mizoram kawngpui chu a \ha tur a ni tih chu Central YMA ngaihdan a nih thu a sawi.
PWD Engineer In-Chief, Pu R. Vanlaltluanga pawhin, kawngpui \ha a awm theih nana Central YMA nen thawh hona thuthlung an siam chhan chu PWD-in kawngpui a siam\hat theih loh vang ni lovin, kawngpui hi mipuiten an ta a ni tih an hriat a, a neitu rilru pu chunga a enkawl theihna tura tih a nih thu a sawi a. He inrawnkhawmna hian a \ha zawnga nghawng a neih ngei a beisei tih a sawi. Pu R. Vanlaltluanga chuan, kawngpui siam chungchangah Department leh Contractor-in thu an thlun tawh avanga mahni chan loh lam ngai pawimawh loh chin \hin chu bansan a hun tawh nia sawiin, ram hmasawnna tura thawktu an ni tih an hriat tawn a ngai a ni, a ti a. Contractor pawhin Department a\anga hna a lak hnuah department hotute thu ngaichang thiam se, chutiang bawk chuan Engineer-te pawhin Contractor hnena hna an hlan tawh avangin inthlahdah mai lo se, chu chuan rah \ha a chhuah mai dawn a ni, a ti. He inrawnkhawmnaah hian Mizoram chhunga Contract hna thawk \hinte leh hnam dang Company, Mizorama hna thawk \hinte an tel a ni.
