A kharna inkhawm Republic Vengthlanga Powerlifting Hall-a neih hi an pawl President, Pu Lalhlimpuia’n a kaihruai a, a hmanpuitu an pawl Adviser, Pu Vanlalruata (Maruata) chuan, Mizote chu chak ngaisang hnam an ni tih sawiin, Powerlifting chu mahni rih zawng mil zela intihsiakna a nih avangin Mizote khelh chi tak a ni, a ti. Sorkar hmasain infiamna lama hamsawnna atan nasa takin hma a la a, sorkar thar pawhin \halaite hmasawnna a ngaipawimawh tih alang chho mek chu thil lawmawm tak a ni a, sorkar hmalakna zarah infiammiten chak zawka hma an sawn zel a beisei tih a sawi.
He intihsiaknaah hian Powerlifting Club a\angin infiammi 80 vel an tel a, a pumpuia Gold 8, Silver 4 leh Bronze 3 latu Iron House Powerlifting Club chu pakhatna an ni. Mipa bik chu Novice leh Professional-ah \hen niin, Category 8 ve ve-ah intihsiakna neih a ni a, Hmeichhia chu Category 3-ah an intihsiak a, a pumpuia Kg. 305 chawitu Mimi Lalchhanhimi Iron House Powerlifting Club chu Strong Women-a thlan a ni a, Mipa lamah Lalthangmawia Slick Powerlifting Club chu Strong Men-a thlan a ni a, Kg. 800 chawitu Lalhriatrenga Power Macho Powerlifting Club chu Best Lifter a thlan niin, Bench Press-ah Kg. 205 chawitu KMS. Dawngliana, Lunglei District Powerlifting Club chu pakhatna a ni a, pakhatna a nih piah lamah hian Mizoram Record thar a siam nghal a. A ni bakah hian Deadlift-a Kg. 285 chawitu Lalhriatrenga Power Macho Powerlifting Club-in Mizoram Record thar a siam a. Squad-ah pawh Kg. 320 chawitu Lalhriatrenga Power Macho Powerlifting Clubleh Ngurthanzauva Sailo Slick Powerlifting Club-ten Mizoram Record thar an siam bawk.
