Pu Manuna hian thuthar thehdarhtute chu sorkar tha tichaktu leh khalh ngiltu an nih thu a sawi a, mipuite rilru sukthlek her danglam theitu an nih angin an thuchhuah kawngah pawh thu dik leh ziktluak chauh an tih chhuah a pawimawh tih a sawi. Sorkar hmalakna hrang hrang sawiin Indo-Myanmar Border trade chungchangah sorkar laipui dawr chunga hmalak zel a nih thu a sawi a, Immigration Check Post peihfel tep a nih thu te, Land Custom Station aia lian zawk Integrated Check Post siam tuma hmalak a nih thu te sawiin hei hian zofate inpumkhatna leh zalen zawka inkalpawhna bakah insumdawntawnna \ha zawk a thlen beisei a ni a ti. Pu Manuna hian, Khawzawl leh Champhai inkar kawng pawh siam tura hmalak mek a nih thu te, Seling-Champhai double lane a siam tum a nih thu te, Champhai Master Plan pawh peihfel \ep a nih thu te sawiin Road Safety mumal tak kalpui na tur leh Building regulations nei turin hmalak a nih thu a sawi.
Inkhawm hi MJA Vice President Pu R.Lalfakawma’n a kaihruai a, an pawl President Pu C.Lalhnunpuia’n thu a sawi bawk.
