Hemi puala inkhawm tawi Civil Hospital Conference Hall-a neihah hian MJA President, Pu Zonunsanga Khiangte chuan vawiin thlenga Aizawl Civil Hospital-in hmingchhiatna lutuk a nei lo chu lawmawm a tih thu sawiin, Civil Hospital hnathawh chu a \ha hle a ni a ti a, thawktute pawh thlavang hauhsak tlaka an awm \hin chu thil lawmawm tak a ni tih sawiin, hetih rual hian chhan tlak lova a awm a nih chuan an dik lohna puanzar kawngah chanchinbu mite chu an insum dawn lo tih a sawi. Pu Zonunsanga Khiangte chuan MJA hian kum tin Charity Fund hi an tawh khawm \hin tih sawiin, MJA member chauh ni lo Politician leh Officer \hahnemngaiten an thawh khawmpui \hin chu an lawm hle tih a sawi.
MJA-in Charity fund an pek Rs. 20,000 chu MJA Vice President, Pu R.Lalhmangaihzuala’n Civil Hospital Medical Superitendent, Dr. KL. Remsanga hnenah a hlan a, Dr. KL. Remsanga chuan Poor fund-a sum an dawn khawm chu Nursing Superintendent-in a kawl khawm \hin thu leh a mamawhtu damlo harsate hnenah rualkhai thei ang bera sem \hin a ni tih a sawi.
MJA hian kumtin mi harsate pual hian sum thawhkhawmin Krismas dawnah an hlan \hin a, kumin pawh hian MJA member te bakah mi \hahnemngai te sum thawhkhawm hi Rs. 80,000 chuang a ni a, he sum hi Civil Hospital bakah Guwahati, Kolkata leh Mumbai-a Mizo Welfare te hnenah Rs.20,000 \heuha hlan a ni ang.
