Inthlanna tluang taka neih theih nan leh Pathian \ihmi roreltu \ha neih theih nan Kohhran tinah November ni 3 zana \awng\aina nei turin Mizoram Kohhran Hruaitute Committee chuan a ngen a, Party hrang hrangte chu mi hming \ha, rinawm leh Pathian \ih mi, ruihtheih thila fihlim,hlepna bawlhlawh leh thamna duh lo mi, mipat-hmeichhiat kawnga hming hliau lo, mahni awmna sakhua, pawl leh Kohhrana mi rinawm candidate-a thlang turin a chah a, zalen tak leh duh thlanna dik hmanga mi tinin vote an thlak theih nan, hel pawl thawhpui lo tur te, ralthuam hmang lo tur te, invauna, inbumna leh sum sem te tih loh ni se, hnam bil zawnga politics kalpuia, khawtlang inpumkhatna leh Kohhran inunauna tichhe zawngtea hmalak loh ni se a ti a, mimal leh pawl insawichhiat vak vak te, tharum thawhna chawk tho zawnga in auhna leh inelsenna laka insumte, Mizoram pum tana \hat tlanna ni lo thil hmanga inzawrh leh mipui hnena intiamkamte tih loh ni se MKHC chuan a ti a, veng bil emaw, pawl bil emaw, hnam bil emaw mi tlemte \hat falna tur atana Party leh Candidate-te intiamtir tura nawr loh te, vote neite tan therhlo leh sum uma vote hralh loh te, Kristian ram kan nih angin tu pawl mahin zawlnei der hmanruaa hman loh te leh campaign laia intihphurna atana ruai buatsaih lo turten candidate leh party te a ngen a ni.
