Hmangaihna R<n leh Synod Hospital a tlawhnaah hian Larsap chuan mipuite rawngbawl kawnga Kohhranin hna a thawh dan te, mi rethei, fahrah leh mi harsa te enkawl kawnga hnathawh dan te chu ropui a tih thu sawiin, mahni mihring puite tana hna an thawhna hmun a piang chu Pathian awmna hmun thianghlim niin a sawi a, mihringte hriselna enkawl kawnga hmalakna chi hrang hrangten hmun kilkhawr bera awm te pawh a thlen phak vek theih nan \an lak zui zel \ul a tih thu a sawi a, Durtlanga Synod Hospital-in mi hausa leh retheite thliar hrang lova kum 90 chuang damlo enkawl hna a lo thawk tawh chu chhuanawm a tih thu a sawi a ni.
Larsap hian Integrated Child Protection Scheme hnuaia Synod-in a enkawl mek Hmangaihna R<n chu a tlawh hmasa ber a, naupangte leh Home Mother te nen an inkawm hova, Home Superintendent, Pi Vanlalsawmi chuan an hnathawh dan Larsap chu a hrilh a ni.
Hmangaihna R<n hi kum 1984 khan din a ni a, tunah chuan he in Integrated Child Protection Scheme hnuaiah enkawl a ni ta a, he Home-ah hian naupang 15 an awm thei a, tun dinhmunah mipa naupang kum 6 hnuai lam 11 leh hmeichhe naupang 4 an awm a, Home Mother 12 leh Staff 8 ten an enkawl a ni.
Larsap hian Synod Hospital chhung hmun hrang hrang a fangkual a, a thil en zingah hian damdawi in bakah Laboratory leh Nursing School te pawh a tel a, damdawi in dinhmun hi Synod Hospital Director, Dr. LH Thanga Singson-in a hrilhfiah a ni. Kum 1928 khan Dr. John Williams chuan Welsh Mission Hospital leh Nursing School hming vuahin a din a, kum 1958 khan WMH hnuaia inrelbawlna chu Mizoram Presbyterian Church Synod-in a la ta a, kum 1994 khan Presbyterian Hospital tia hming vuah a ni a, kum 2012 a\ang khan Synod Hospital tia hming thlak a ni.
