Mizoram Larsap thar, Pu Kummanam Rajasekharan chu vawiin khan rinawmna thu tiamtira lak luh a ni a; State puitlinga Mizoram hlan kai a nih hnua Larsap 18-na a ni.
Larsap thar lakluhna inkhawm Raj Bhavan Durbar Hall-a neih hi Chief Secretary, Arvind Ray-a’n a kaihruai a, President Ramnath Kovind-a’n Pu Kummanam Rajasekharan-a Mizoram Larsap atana a ruatna lehkha, Warrant of Appointment a chhiar chhuah hnuah Gauhati High Court Chief Justice, Pu Ajit Singh-a’n rinawmna thu tiam tirin a lalut a ni. Puan tawh \hin angin, Kerala-a BJP president nilai, Pu Kummanam Rajasekharan chu ruat a ni tih zirtawp zan dar 8:35 khan President Ramnath Kovind-a’n a puang a ni. Larsap thar, Pu Kummanam Rajasekharan hi kum 1952 December ni 23-ah piangin, kum 65-a upa a ni a, Politics a luhchilh hma hian Jorunalist a ni \hin a, kum 1976-ah Journalist a\anga chawlin Food Corporation of India (FCI) a zawm a, Sorkar hna a thawh lai kum 1978 khan Kerala-a Kottayam District Vishwa Hindu Parishad’s Secretary atan ruat niin, hmun hrang hranga Sorkar hna a thawh kual hnuah kum 1987-ah Sorkar hna a\anga bangin Hindu pawl pakhat Rashtriya Swayamsewak Sangh (RSS)-a hunpum a thawk turin a inpe a ni. Pu Kummanam Rajasekharan hian kum 2015 December ni 18 a\ang khan Kerala State BJP President nihna a chelh a, Mizoram Larsap atana ruat a nih thleng hne hna hi a chelh a ni.
Larsap lakluhna inkhawmah hian Chief Minister, Pu Lal Thanhawla, Assembly Speaker Pu Hiphei, Home Minister, Pu R. Lalzirliana, Finance Minister, Pu Lalsawta, H&TE Minister, Pu R. Romawia, School Education Minister, Pu H. Rohluna, Sports Minister, Pu Zodintluanga, AH&Vety Minister, Pu C. Ngunlianchunga, Assembly Dy. Speaker Pu R. Lalrinawma leh MLA te, Chief Minister hlui, MNF President, Pu Zoramthanga, MLA hlui, BJP President, Prof. JV Hluna leh Sorkar mi pawimawh hrang hrangte an tel a ni.
