Mizoram Legislative Assembly pariatna, \hutkhawm vawi 5-na hi March ni 4 thleng awh tur a ni a, Inrinni leh Pathianni te bakah sorkar chawlh-ah te rorel inkhawm neih a ni dawn lo a, a vaiin \hutkhawm ni tura ruahman zat ni ni 12 a ni. Nilaini khian Finance changtu Chief Minister Pu Zoramthanga’n kum 2020-21 Mizoram Budget a pharh dawn a, hei hi MNF sorkar dinglaiin budget a pharh vawi hnihna tur a ni.
Session \anni hian dan pangngaiin Mizoram Larsap Pu PS Sreedharan Pillai chuan thu a sawi a, a thusawi chungchanga lawmthu sawina motion chu Pu Biakzau-a’n house ah a pulut nghal a, motion hi naktukah sawiho-a pawm tum a ni ang. Naktuk rorel inkhawmah hian Session hnuhnung ber leh tun session inkara House member lo ni tawh chantuan ram pan tate sunna hun hman a ni ang. Tun \um Budget Session ah hian Speaker leh Dy Speaker an remchan loh changa rorel inkhawm kaihruaitu tur Panel of Chairman mi 4 ruat an ni a, chungte chu Pu C Ngunlianchunga, Pu C Lalsawivung, Pu L Thangmawia leh Pu Lalrinsanga Ralte te an ni.
