Chief Electoral Officer, Pu Ashish Kundra chuan vawiin tlai khan chanchinbumite kawmin vote tlak dan hi a sawi a, hriat theih chinah Mizoram puma vote tla hi zaa 71 a tling phak a, Serchhip District ah zaa 81, Kolasib leh Lunglei Dist ah zaa 77, Champhai Dist ah zaa 74, Siaha Dist ah zaa 73, Mamit ah zaa 70, Lawngtlai Dist ah zaa 69 leh Aizawl Dist ah zaa 65 a tling phak a, report kimchang hmuh hun chuan hei ai hian a san theih beisei a ni a ti.
Chief Electoral Officer chuan boruak \ha tak hnuaia tluang taka vote thlak theih a nih avangin, Civil society, Mizoram mipui, MPF leh inthlanna kaihhnawiha mawhphurhna nei zawng zawng te chungah lawmthu a sawi a, Mizoram Assembly inthlanna hi India ram chhunga state dangte entawntlak khawpin, a muanawmin a felfai a ni a ti.
CEO chuan nizan khan Silchar a\anga Aizawl pan, motor pakhat chu Vairengte-ah tih dina enfiah a ni a, chutah chuan tangkafai cheng nuai 15 man a ni a, a phurtu leh a tangkafai hi Vairengte Police kutah pek a ni a, Police te hian a \ul danin an chhuizui mek tih a sawi bawk.
