Kawngzawhnaah hian zirlaite chu hmun hnihah insemin, chim lamah Khatla kawn leh hmar lamah Zarkawt kawn a\angin kawng hi an zawh \an a, Zirlaite hi Vanapa Hall tualah intawkkhawmin hetah hian a kharna inkhawm tawi neih a ni. He inkhawma thusawitu MZP President, L. Ramdinliana Renthlei chuan, Home Minister chu Mizoram chhungah pawh chawlhbuk sa ngam lovah puhin, ramri chungchanga sorkar hmalakna chu zirlaite tan a beidawn thlak a ni, a ti.
MZP-in ramri a humhlah chhan chu pi leh pu te luah chin ram neih let a, an tu leh fate tana humhalh a ni tih MZP President hian a sawi.
Ramri humhlah chungchangah Sorkar chu zirlaite hmaah a din loh avangin, sorkar auh eina turin kawng zawh hi huaihawt an ni tih a sawi.
Tun hnaia Assam Forest Department-in Vairengte daia hma an lakna chu MLA zingah tlawh an la awm lo tih MZP President hian a sawi a, hei hi ram an vei loh zia lantirtu a ni a ti.
Zirlai kalkhawmte hian Mizoram leh Assam ramriah Assam lamin ram a chuhpui \hin chu chinfel a nih theih nan Mizoram Sorkar in chak takin hma la rawh se tih te, Mizoram Sorkar Councils of Minister \hukhawmin Bengal Eastern Fontier Regulation 1875, Mizoram leh Assam ramri atan a pawm chu a taka a hlawhtlin theih nan Mizoram Sorkar in chak takin hma la rawh se tih te, Inner Line Reserve Forest Area Sq. Mile 509-a zau, Assam Forest Department-in a enkawl mek hi Mizoram Forest Department-in a enkawl let leh theih nan Sorkar-in hma la rawh se tih te resolution siamin an pass a ni.
Heng bakah hian Mizoram Map hman lai chu 1875 ramri anga Map dik zawk sorkarin siam \ha rawhse tih te, Mizoram ram chhung, Inner Line Reserved Forest Area, mel 509 bial chhunga dan loa inbengbel te leh Assam Forest Department lakah, Schedule Cast and Schedule Tribe Prevention of Attrocities Act tlawhchhanin dan anga hma lak ni rawh se tih te leh Mizoram chin chan belh zel anih lohna tur leh pi leh pu te luah chin ram humhalh a, neih let leh ngei anih theih nan Mizo zirlai ten hma an lak chhunzawm zel tur thu te an Resolution pass ah hian an tarlang bawk a ni.
Mizoram Map hman mek chu a dik lo tih MZP President chuan sawiin a hal a ni.
Khatla kawna kawngzawh \an hma inkhawm tawi neihah MZP General Secretary, Lalnunmawia Pautu chuan, Zophaiah zirlaite thisen a chhuah bakah silai hmanga kah an ni chungin Sorkar a kai tho zo lo a. Tuna an hmalakna hi chuan Sorkar thar chu a auh ei ngei an beisei tih a sawi. Zarkawt kawna thusawitu MZP Vice President, Pu Vanlaltana pawhin, mi tam tak ram humhalh tur nei lova an awm mek laiin, ram leh hnam humhlah tur neih chu lawmthu sawina tham a nih thu a sawi. Kawng an zawh pah hian zirlaite chuan an thil phut chi hrang hrang an au chhuahpui a ni.
