Mizoram leh Tripura ramri-a duty IR Police 2 kutthlak an nih chungchang thu kal zela Chakma-ten Social media-a thu dik tawk lo nia lang an thehdarh chungchangah ZPM Legislature Party-in Aizawl Police Station-ah FIR an thehlut.

FIR hi ZPM Legislature Party Secretary, Dr. Vanlalthlana hminga thehluh a ni a, FIR-ah hian tun thla ni 18-a Zomuantlanga IR Police 2 kutthlak an nih chungchang thu kal zelah YMA leh MZP-in Chakma chenna in an hal angin thudik lo Social media-ah thehdarh a ni tih an ziak a, khawvel hriata thu dik lo hmanga Mizo mipuite tihhmingchhiat tumna thehdarh a ni chu \ha lo an tih thu sawiin, thudik tawk lo hmanga chi leh chi inkara inhuatna chawk tho thei zawnga thu thehdarh a ni chu chhui chiang a, a mawhphurtute man chhuak turin an ngen a ni.