Thuchhuah an siamah MPCC chuan Thawh\annia Dr. R. Lalthangliana’n MNF Party Office-a thu a sawinaah Health Care Scheme sum Rs. vaibelchhe 150 chuang lai hman loha lo awm leh hemi chungchang hi Congress sorkar-in kum 10 chhunga a hre lo anga a sawi chu thudik lo a ni tih sawiin, Health Care scheme sum Rs. vaibelchhe 150 chuang awm anga a sawi hi Health Care sum bawmpui atana Mizoram sorkar-in Asian Development Bank a\anga a hmuh, Bank hrang hranga pung tam tak nei tura Finance Department-in a dah a ni, an ti a. Hei hi kum tina sorkar-in sum tam tak a sen belh reng ngai lova Health Care Scheme a kal theih nana ruahmanna fing tak a ni an ti.
MNF sorkar hmasak a tlak dawn hnaih kum 2008 April ni 1 khan Mizoram State Health Care Scheme (MSHCS) hi Rs. vaibelchhe 50 a bul \an a ni a, MSHCS enkawl turin Mizoram State Health Society pawh din nghal niin, Chief Minister chu Chairman a ni a. Mahse, khatih laia Health Minister, Pu R. Tlanghmingthanga khan a fate hmingin Bajaj Allianz-ah cheng vaibelchhe 10 lai chu Fortune Plus policy hnuaiah a hming tumtu Health Minister fate hlawk theihna turin Annual Premium angin a dah a, hei vang hian MSHCS kha a nih tur angin a kal thei ta lo nia sawiin, kum 2008 December-a Congress kaihhruai sorkar thar a lo pian khan kum bithliah neia Bajaj Allianz-ah pawisa hi dah a nih avangin duh angin MSHCS kalphung tha lo kha an siam rem lawk thei lo a. Pu Tlanghmingthanga fanute hminga Bajaj Allianz-a pawisa dah a nih lai khan damlo, medical bill thehlut ten harsatna an tawk nasa em em a, sorkar kum 2010-11 chhunga bill tang chu bill thehluh zawng zawng a\anga zaa 35 a tling hial tih sawiin, Congresssorkar khan MSHCS kalphung hi siam\hain, Asian Development Bank a\anga sum a hmuh Rs. vaibelchhe 117.80 leh Health Care sum hman bang, a vaiin cheng vaibelchhe 149.6 chu kum 2010-11 a\angin MSHCS sum bawmpui (Corpus Fund) atan a dah ta a. Hemi sum peipun hna hi Finance Department kutah dah niin, anni lamin bank hrang hrang 4-ah a pung tam thei turin, Minister laina hnaite hlawkpui theih bik loh turin an kalpui niin an sawi.
Hetiang a nih mek laia Health Minister, Dr. R. Lalthangliana’n thudik tawk lo hmanga thu a thehdarh chu mipui hruai sual tumna a nih avangin Kohhran upa, rawngbawltu tih atana mawi lo hle an hriat thu MPCC chuan an sawi a ni.
