Mizoram Pradesh Congress Committee-in Lok Sabha member atana thlantlin Pu C. Lalrosanga leh Aizawl West-I MLA thar Pu Zothantluanga te chu, hnam leh sakhua hre reng chunga an theihna sang ber hlan turin duhsakna an hlan.

MPCC hian vawiin khan thuchhuah siamin, Lok Sabha Member thlanna leh Aizawl West-I Assembly bye election a vote tla te tluang taka chhiar zawh a ni chu lawmawm an tih thu sawiin vote chhiar buaipuitute chungah lawmthu an sawi a. Congress Party leh ZPM tangdun Candidate Pu Lalnghinglova Hmar leh Pu Lalbuanga Sailo te duhsaka vote-tu zawng zawng chungah lawmthu an sawi a ni.