He inkhawm MPCC Vice President, Pu H. Liansailova kaihruaiaah hian Mizoram Kohhran Hruaitute Committee Vice Chairman, BCM Aizawl Executive Secretary ni bawk Rev. Dr. Lalthanmawia’n Pathian thuchah a sawi a. MPCC President ,Pu Lal Thanhawla’n thu a sawi bakah an party zawm thar a lawmlut bawk. Pu Lal Thanhawla chuan, tun hma a\anga an Party-in programme leh hmalakna tur a duan reng reng Pathian telna tlak a ni em tih leh miharsa zawkte dawm kanna tur lam a ni em tih ngun taka an ngaihtuah \hin thu sawiin, hetiang a nih avang hian Pathianin an party chu Mizoram hmasawn nan nasa takin alo hmang tawh \hin a. Tuna Mizorama hmasawnna ruhrel lian tham awm zawng zawng deuh thaw chu an Party din deuh vek a nih avangin Congress Party mi an nih avanga Mizoramin hmasawnna a neih tawhah lawm tur an nih thu a sawi.
Rajya Sabha member, Pu Ronald Sapa Tlau pawhin Parliament-a CAB buaipui a nih dan a sawi a, CAB chungchangah hian MNF chu dinhmun khirh takah an ding a, Central lama an hotute BJP duh dan an zawm chuan Mizo mipui an lungawi lo a, helam duh dana an kal dawn chuan Central lam an lungawi leh bawk si lova, ngun taka an ngaihtuah hnuah Mizoram mipui duhdan ai chuan Central lama an hotu BJP-te duh dan an ngaipawimawh ta zawk a. Mizoram mipui an phatsan ta a ni, a ti.
