Workshop hmanpuitu Aizawl Bawrhsap, Dr. A. Muthamma chuan media chu mihring rilru put hmang a \ha zawnga kaihruai tura hmanraw pawimawh tak a ni tih sawiin, thuthar thehdarhtute thu thehdarh chuan khawtlang leh mihring khawsak phung nasa takin a kaihruai tih a sawi a, Mizoram chu ram chhung hmun dang aia khawtlang nunphung nei \ha leh inpumkhat \hatna a ni tih sawiin, hetihlaia damdawi hmansual avanga khawtlangin harsatna a tawk chu pawi a tih thu a sawi a, ruihhlo do kawngah thuthar thehdarhtu leh mipuiten tun aia nasa zawka \an an lak a ngai niin a sawi bawk.
He workshop-a thusawitu dang, I&PR Director, Pu David L. Thangliana pawhin thusawiin chanchinbu leh electronic media-a thuchhuahte chu rintlak leh belhchian dawl nia mipuiin an ngaih avangin a tichhuaktuten fimkhur taka thil an tih a \ul tih a sawi a, kumina Mizoram Assembly inthlanna neih a nih dawn avangin Political party-te inbeihna tihchhuah kawngah pawh \an lam nei lova midangte tana chhiar tlaka thuchhuah a \ul tih a sawi a ni.
Media Workshop-ah hian Role and impact of print media in Mizoram, New Media in Mizoram, Ayushman Bharat, Social Media and Security Concern, Present media scenario in Mizoram tih thupui hmangin mithiamten thu an sawi a ni.
