Pu Lalramthanga Tochhawng hi 1986 batch IA&AS Officer a ni a, Pu Lalthanzama leh Pi Neihthangi te fapa, kum 1960 June 20 khan a piang a ni. Kum 1986 khan Indian Audits & Accounts Service (IA&AS)-ah a inziak tling a, Mizo zinga Additional Deputy Comptroller and Auditor General hmasa ber a ni a, a hna chelh lai Mizoram Principal Accountant General-ah thla 6 la nei mahse voluntary pension-in a chhuak a, MPSC Chairman atan hian ruat a ni ta a ni.
Pu Lalramthanga Tochhawng hian India ram hmun hrang hrangah hna a thawk kual tawh a, tawnhriat nei \ha tak a ni a, Mizoram sorkar hnuaiah pawh Secretary hna a lo chelh tawh a, Agriculture leh Social Welfare Department-ah Secretary leh Director hna a lo chelh kawp tawh a. Kum 2007-a Accountant-General Office Mizorama din anih khan Accountant-General, Mizoram hmasa ber a ni a, kum 2011 ah Principal Accountant General ah kaisangin Principal Accountant General, Mizoram hmasa ber a ni bawk. Kum 2015 a Telengana State siam thar anih khan Principal Accountant General (Audit), Telengana hmasa ber a ni leh a, kum 2019 January thla khan Principal Accountant General, Mizoram-ah a lo let leh a, nikum August ni 1 khan Additional Deputy Comptroller and Auditor General ah a kaisang leh a ni.
MPSC Chairman lakluhna inkhawmah hian Chief Minister, Pu Zoramthanga, Deputy Chief Minister, Pu Tawnluia, Cabinet Minister, Minister of State, MLA, sawrkar mi pawimawh leh sawm bik te an tel a ni.
