Lunglei |halai Pawl, Champhai |halai Pawl, Youth for Kolasib, Mamit District |halai Pawl leh Serchhip |halai Pawl te chuan thuchhuah in\awm siamin, Aizawl-a Chapchar Kût hmanna atana cheng nuai 65 ngawt ruahman a nih laiin, Mizoram chhung District dang 10-te tana sum ruahman belhkhâwm chu cheng nuai 32 chauh a ni an ti a, District 10-te tana sum ruahman belhkhâwmin Aizawl bîk tana sum ruahman chanve pawh a zât lo chu District dangte sorkarin a dah hniamzia tarlanna ni-ah an ngai tih sawiin; a lungawithlâk loh an ti hle tih an sawi.
District khawpui hrang hranga \halai pawlte hian Aizawl chu Mizoram khawpui a ni a, Kût hmangtu mihring pawh District dang ai chuan an \hahnem zawk \hin tih leh hnam dangin Chapchar Kût an chhimna hmun ber a ni tih pawh an hriat thu an sawi a, Aizawl tana sum ruahman chu District dangte aia tam tura an ngaih laiin a inthlauhna a nasa lutuk chu Aizawl chauh ngaih pawimawhna leh Aizawl ni lo Mizoram hmun dang ngaihthahna nia an hriat thu an sawi a, District hrang hrang tana sum ruahman chu ennawn leh an phut tih an sawi.
