Chief Secretary Pu Lalnunmawia kaihhruaiin vawiin khan, Aizawl-a Service Association hrang hrang hruaitute ATI Auditorium-ah an \hukhawm a, service association hrang hrang te hian covid 19 do let nana an hlawh atanga sum thawh hi an remti a ni.
Chief Secretary Pu Lalnunmawia Chuaungo chuan COVID-19 vangin Mizoram chauh ni lo ram chhung leh khawvelin kawng tinrengin harsatna a tawk mek tih a sawi a, hri leng lakah Mizoram chu him rihin lang mahse, ram chhung state dangah chuan, a ni telin a kai zat leh thi zat an pung zel rih a, hei hian ram sum dinhmun pawh nasa takin a nghawng a, eng ang chiaha nasain nge a nghawng dawn tih hriat lawk theih a ni rih lo a ni a ti. Pu Lalnunmawia Chuaungo hian, Mizoramin sum a hmuhna ber sorkar laipui sum hmuhna chhiah lakkhawm a tlak hniam avangin Mizoramin sum a hmuh zat pawh a tlem sawt hle tih a sawi a, hmalam hun thlir chunga sorkar hnathawkte an \an tlan a ngai ta a ni a ti.
Pu Lalnunmawia chuaungo hian, Central atanga sum dawn zat a kiam zel laiin Budget duan laia sum senna tura chhut tel loh COVID-19 kaihhnawihah sum tam tak sen ral a ngai tih a sawi a, COVID-19 dona tur leh tumah chhuanchham an awm lohna turin mahni theihna zawn \heuhah \an lak a ngai ta a ni a ti.
