Comptroller and Auditor General of India, CAG in Mizoram sorkar sum hman dan a endikna, November ni 21-a Assembly House-a pharh takah power leina man pek tlai vanga sorkar sum hloh \hin dan hi tarlan a ni a, April 2016 leh December 2016 inkarah Power and Electricity Dept chuan power lakluhna man a pek tlai avang hian surcharge cheng vbc 11 leh nuai 31 a chawi thlawn a ni.
Hetianga power man pek tlai vanga sum sen thlawn thuah hian Power and Electricity Dept chuan bill pe tura hmalakna kawng thui lutuk chu chhuanlamah an hmang a, bill pe tur hian, Administrative Approval, expenditure sunction leh a behbawmte buaipui nan a lo berah hapta 3 a\anga hapta 4 vel hun a duh \hin niin an sawi a, hetihlai hian bill \henkhat chu thla 3 a\anga thla 6 thleng te buaipui a ni tih Auditor te hian an hmu chhuak a ni.
Mizoram pawn a\anga power leina man pek \hin chu chatlak awm lova sorkar sum hmana kallai reng a nih avangin bill pek tlai vanga chawi thlawn awm lo tura pek nghal zel theih tur a ni tih Audit report hian a tarlang bawk a, February 2019-ah pawh power leina man pek tlai vang hian surcharge hi Power and Elctricity Dept chuan a la pe a, hei hi Finance Dept lamin sum an pek chhuah tlai vang niin an sawi.
Thla 9 chhunga power leina man pek tlai vanga sum chawi thlawn hi NEEPCO lakah a tam ber a, cheng vbc 11 leh nuai 17 chuang a ni a, ONGC Tripura Power Company Ltd hnenah cheng nuai 10 chuang pek a ni a, NHPCL, PGCIL leh NERLDC hnenah te pawh power lakluhna man pek tlai man hi chawi thlawn a ni bawk.
