He inrnawnkhawmna Ramhlun venga White Stone Conference Hall-a neih hi Mizoram State Commission for Women, Pi Lallawmchhungi’n a kaihruai a, hetah hian hmeichhiate chungchanga dan hrang hrang awmte ennawn niin, The Mizo Marriage, Divorce and Inheritance of Property Act, 2014 chungchang te, Protection of Women from Domestic Violence Act, 2005, The Immoral Traffic (Prevention) Act, 1956 leh Sexual Harassment of Women at Workplace (Prevention, Prohibition and Redressal) Act, 2013 te chipchiar takin an sawi ho bakah he dan lekkawhtute leh mawhphurtuten heng dan hrang hrang hi a nihna ang taka kalpui leh hmalak \hin a ni em tihte an sawi ho a. Dan lekkhawh chungchanga harsatna an neihte an sawi ho bawk.
He sawi honaah hian, Police aiawhte, Department hrang hrang aiawh leh NGO te an tel a, Mizoram State Commission for Women hotute chuan, hmeichiate danin an dikna leh chanvo a pek dik leh \ha taka vawnhim a nih theih nan hmalak zel a nih tur thu leh Mizo hmeichhiate tan ram danpui hnuaia an mahni humhalhna hrang hrang awmte chu a nihna ang taka kenkawh a nih theih nan sorkar hotute hnenah a \ul anga thlena bawhzui zel a nih tur thu an sawi a ni.
