Pu Vanlalenmawia chuan Jail-a tangte chuan mihring nunphung pangngai an nei leh thei tih sawiin, Jail a\anga an chhuah hnuah pawh an nunhlui kalsana nunphung pangngaia nun tum tawh turin a fuih a, khawtlang leh kohhran bel tlat tur leh midangte tan \angkai taka nun hmang turin a chah a ni. Mizoram State Legal Services Authority hotuten nimina District Jail an tlawhnaah hian Legal Awareness Campaign neih nghal a ni a, hetah hian Advocte, Pu Johny L. Tochhawng-in dan leh hrai lam thil an hriat tur a sawifiah a, Jail chu misual hremna hmun ni lovin, nun siam\hatna hmunpui a ni zawk tih hre turin a chah a. Jail tangte chu indawmkun mai lova, hun kal tawh a\anga insiam\hat tum tur leh an tih thil tihsualte ti nawn lo turin a chah a. Jail tangte chu an chungchang Court-in dik taka a rel theih nan Ukil an neih vek theih thu leh Ukil rawihna tur sum nei lo te pawh sorkar-in Ukil a rawihsak thei tih a sawi a ni.
Mizoram State Legal Services Authority Co-ordinator,
Pi Mimi H. Rosiamlianai pawhin Office kalphung leh hnathawh dan a sawifiah a, District Jail chhunga Legal Aid Clinic chu hmang \angkai turin a chah a ni.
Aizawl District Jail-ah hian tun dinhmunah tang mi 71 an awm mek a, hengte hi mipa vek niin, an zinga mi 23 chu thiam loh chantir tawh an ni a, a bak mi 48 chu thubuai ngaihtuah lai an ni a. MJS Member Secretary, Mizoram State Legal Services Authority chuan District Jail, Aizawl a tlawh a, Mizoram State Legal Services Authority hotuten an tlawhnaah hian District Jail Superintendent, Pu T. Ramzauva leh a thawhpuiten an lo dawngsawng a ni.
