Mizoram State Level Fire Prevention Committee-in kumina lo hal hun hnuhnung ber atan a ruat nimin, March ni 15 thleng khan Mizoram hmun hrang hrangah lo leh huan hal \hahnem tak an awm. Environment & Forest Deptt.-in satellite hmanga lo leh huan hal a chhinchhiah danin tun thla ni 13, Thawhlehni a\anga nimin thleng khan hmun 2,366-ah hmuh a ni a, vawiin pawh khan hmun tlem te-ah an hmu leh niin an sawi a ni. Environment, Forest & Climate Change Deptt. hotute chuan tun dinhmunah lo hal lo an awm tawh loh an rin thu an sawi a, amaherawhchu, Marpara area-ah te, Chakma Autonomous District Council Area-ah te chuan thil awmdan dik tak chiang taka hriat theih a la ni rih lo niin an sawi a ni.
