Rorel \an hma lawk hian palai lawmna thusawi ngaihthlak a ni a, hemi hnu hian palai inchhiarna neih zui a ni a, Moderator kal chhuak ta, Rev. F. Lalrinnunga’n Moderator thar Rev. R. Lalhmingthanga hnenah Moderator kawrfual pe-in mawhphurhna a hlan a ni. Hemi hnu hian Nomination Committee \hukhawm ruahmanna siam thlirhova pawmpui a ni a, Dawrpui bial Pastor R. Lalchangliana chu kum 2019-a Synod Moderator tur atan pawm a ni.
Rorel inkhawmah hian Pro Pastor exam result te, kum 2019 leh 2020-a Minister leh Pastor pension tur te thlirho a ni a, tun \uma Synod Pastor nemngheh tur leh nakkum Synod-a nemngheh tur Presbytery-in a dilpuite thlirho a ni bawk. Thil ngaihtuah dang zingah chuan nakkuma Pastoral Ministry thupui tur te, nakkuma Pro Pastor lak zat tur te, bial thar hawn rawtna te leh Pastor \huthmun sawn chungchangte leh Presbytery thar hawn leh siam rem rawtna te a tel a ni. Zanin Pathian Biak Inkhawmah thupui, ‘I ram lo thleng rawh se’ tih tlawh chhanin Rev. Lalchungnunga’n Pathian thuchah a sawi ang a, Rabung, Lungleng I leh Mission Veng Pastor Bial Zaipawlte an zai ang. Zonet chuan he inkhawm hi Live-in a pe chhuak leh dawn a ni. Synod Rorel Inkhawm hi Inrinni thleng chhunzawm a ni a, zan lamah Pathian Biak inkhawm neih \hin a ni ang.
