Indian Air Force Garud Commando lakna tura Mizoram thalai tel duh te training pe turin vawiin khan Guwahati-a Airman Selection Center atangin Junior Warrant Officer pahnih, Bhalinder Singh leh Ashutosh Adhikaria te chuan vawiin khan Aizawl an lo thleng. Mizoram Youth Commission leh Aizawl Bawrhsap ruahmanna siam angin heng mite hian naktuk chawhma dar 11 atangin Govt. Hrangbana College-ah thalai, he hna dil duhte zirtirna an pe ang a, chawhnu dar 2:30-ah Govt. Zirtiri Residential Science College-ah he hna dil duhte zirtirna an pe leh dawn a ni. He hna dil thei chinte chu kum 1998, January ni 13 leh kum 2002 January ni 2 inkara piang, pawl 10 pass chin, mark 100 zela 50 aia tlem lo hmu phak chin an nih a ngai a, recuitment rally tun thla ni 18 leh 19-a Guwahati-a neih hunah he hna dil thei chin tute chu Mizoram Youth Commission a thlawnin a hruai dawn a ni.
