Nimina Lunglei MNF Sub-Hrqs. chhung inkhawmah Dr. Vanlal\anpuia hian, Sorkar hmasa khan MYC lian takin a kal pui a, nasa takin hma pawh an la niin a lang a, Pathian leh an hotute duhsaknaa MYC a kaihhruai hnuah an han zirchianna a\angin MYC hian Policy pawh an lo nei miah lo tih an hrechhuak a, an lo tih \hin ber chu Coaching pek te a lo ni mai mai a, michangkang chinte chauhvin an hman theih IAS online coaching class, TV a\anga mi changkang ten an thlir theih, coaching changkang, man tam em em si te an lo kalpui dan a lo ni a, IAS hi TV a\ang mai maia inen tlin chi a nih loh avangin he thil hi an ti tawp nghal tih a sawi. Dr. Vanlal\anpuia chuan, tunah hian kum 2008-a MNF sorkar-in a lo din ang taka MYC hi kalpui a nih theih nan Chief Minister, Pu Zoramthanga hova hmalak mek a ni a, a kaihhruaina hnuaiah ruahmanna hrang hrang siam niin, an kalphung tur ruahman pawh an siam peih thawkhat tawh a, MYC hmang hian Mizo \halaite chu hmantlan zawka chhuah an tum dawn a ni, a ti.
Eptu pawlte chu thu belhchian dawl lo hmanga sorkar tih mualpho tumah puhin, Dr.Tanpuia chuan, MNF Ministry in pawisa nei chunga a tak taka hna an thawhna chu thla 3 emaw awrh chauh ala ni tih sawiin, Union budget pawh August thlaah an passed chauhva, Mizoram budget pawh a lo la kal mang lova, hetiang a nih mek lai hian, eptu pawlte chuan a tih mualpho dan an zawng a, thu belhchian dawl lo an sawi cham chi chungin an lama \ang chu Pathian a nih tlat avangin an mualpho dawn lo tih a sawi. He inkhawm hi MNF Su- Hqrs. Secretary, Pu Laltlansanga’n a kaihhruai a, Sub-Hqrs. Vice President, Pu F. Lalsawmkima pawhin thu a sawi a ni.
