SEDP Incentive Cash Award hi Category 4 sem a ni a, cheng nuai 70 semchhuah a ni. A hmanpuitu Dy Chief Minister Pu Tawnluia chuan, sorkarin thalaite chawikanna, tihhmasawnna kawngah leh an mahni kutkawiha eizawnna an hmuh theihna turin kawng hrang hrangin hma a la tih a sawi a, lehkhathiam \anpui tlak te pawh umzui zel an ni dawn tih a sawi. Pu Tawnluia chuan, Mizo \halai zingah khawvel huapah hlawhtling an awm chho \an tih a sawi a, \halaite chher hlawhtling tur chuan an rilruah tumruh leh taimakna te tuh sak a pawimawh tih sorkarin a hria a, thalai te chho phur leh an theihna phawk chhuak turin MYC kaltlangin Policy mumal tak duan chhuah a ni a ti. Pu Tawna hian MYC Road Map & Action Plan a tlangzarh nghal a ni.
SEDP Incentive Cash Award chungchang sawifiahtu MYC Chairman Dr. Vanlal\anpuia, MLA chuan, Chief Minister thahnem ngaihna avanga SEDP hnuaiah thalai lehkhathiamte chhawmdawlna tur sum ruahman a nih thu a sawi a, hei hi thalai te tan thil lawmawm tak a nih thu sawiin MYC in UPSC, IIT(JEE), NEET, CAT, Staff Selection Commission, Banking, IELTS leh hna \henkhat exam tum te tan Coaching class a kalpui rualin lehkha zirsang lo tana hna tha tak Sipai an luh awlsamna turin Army Pre-Recruitment Coaching pawh kalpui \hin a ni a ti.
MYC Chairman chuan kum 2014 hnu lamah Mizo zingah IAS inziaktling an awm ta lo niin a sawi a, hei hi sorkarin a vei hle tih sawiin nasa zawka nawr tumin hun reiloteah Delhi khawpuia Coaching Centre tha ber berah Mizo thalaiten an zir dawn a ni a ti.
