Lok Sabha secretariat, parliamentary research and training institute for democracies buatsaih, training hawngtu lok sabha secretariat-a jt. Secy, Pi Rimjhim Prasad chuan, democracy chu mipui tana din a ni tih sawiin, India ah mipui maktaduai tam tak an awm a, chung mite tana rorel sak chu parliament hnathawh langsar ber a ni, a ti a. Mipui tan sorkar hmalakna puangzartu media te chu sorkar hmalakna puitu \ha tak an ni a, chu chu sorkar in a hriat avangin hetiang zir hona pawh hi buatsaih an nih thu a sawi.
Pi Rimjhim prasad chuan, thuthar thehdarhtuten parliament house a rorel a nih dan an puan zar rualin, parliament kalphung an hriat chu thil tih makmawh a nih thu leh hei hian an hnathawh zelna turah nasa taka a puih a beisei thu a sawi.
Lok sabha research and training Director, Pi Alpana Tripathi pawhin, hetiang training hi journalist te bakah central service officer hrang hrangte kumtin training an pek thin thu leh journalis te chu ram rorel dan mipui hrilhtu an nih avangin an tana training buatsaih chu an ngai pawimawh hle a ni, a ti.
Training-ah hian parliament-a rorelna kalpui a nih dan hrang hrang mithiamten an zir a, hei bakah hian Lok sabha, Rajya sabha leh parliament central hall te pawh an fang a ni.
He training hian naktuk thleng a awh dawn a, mizoram atangin jornalist 15 leh IPR officer 5 an tel a ni.
