Ningani-a New Delhi-a an inkawmnaah Pu Rama hian nikum March ni 18 a Mizoram Assembly in a lo pass tawh The Mizoram Maintenance of Household Register Bill hi a rang lama hman a nih theih nan hmalakpui turin Prime Minister hi a ngen a. He Bill hi state chhunga chhungkaw tin chhinchhiahna tur pakhat a ni a, dan kalh a thiltih hrang hrang – ralthuam leh ruihhlo hralh ruk te, mihringa sumdawnna te, dan kalh thil tawlh ruk te, ramri kan ruk te leh a dangte dona atan \angkai tak tur a ni tih Pu Rama hian a sawi a, hmalakna dang awmte nen a inkalh lo a ni tih Prime Minister hi a hrilh a ni.
‘The Mizoram Maintenance of Household Registers Bill, 2019’ hi Mizoram Assembly in a pass hnuah Larsap chuan pawmpui mai lovin, sorkar laipuiah a thawn a, pass a nih a\anga thla 10 ral tawh hnu, tun thlengin he bill hi hman theih tura pawmpui a la ni ta lo a ni.
Assembly-a Bill put luh a nih \um khan GAD changtu chief minister Zoramthanga chuan, \henawm ram a\anga Mizorama dan loa lo lutte chu kum tam tak Mizote tan buaina thlentu an nih tawh avangin ramria chengte chhinchhiah chu dan loa lutte zawn chhuahna atan a \angkai dawn tih a lo sawi tawh a, dan loa Mizorama lutten Mizoram khua leh tui dik takte chanvo an chhuhsak \hin pawh he dan hian a veng thei tura ngaih a ni tih a sawi a ni.
