Health Minister Dr R Lalthangliana chuan vawiin chawhnu khan he thu hi a puang a, Mizoramin Covid 19 vei a neih mek awm chhun Zoram Medical College-a enkawl mek hi a dinhmun a \ha a, ngaihtuah awm a ni lo a ti a. A nupui fanaute leh midang, sample 10 thawnte pawh chawhnu dar 3:20 khan an result dawn a nih thu leh an kai lo tih finfiah a nih thu a sawi.
Dr R. Lalthangliana hian damdawi lam hnathawktute invenna tur thawmhnaw, Personal Protective Equipment (PPE) 10,900 leh hmanraw dangte a bika thlawhna ruahman, Special Cargo hmangin Lengpui Airport-ah vawiin khan phurhthlen a nih thu a sawi a. Guwahati a\ang pawhin Aizawl Civil Hospital-a ICU khum 18 siam belhna tur hmanrua te, PPE leh MSACS mamawhte motor lianin rawn phurhthlen a ni tawh tih a sawi. Damdawi lama thawktute chu an taksa hriselna atana chaw \ha leh an mamawh dang pek tum an nih thu leh n chhungte hriselna leh himna ngaihtuah sak an nih thu a sawi a. Covid 19 natna emaw a kaihhnawih natnain emaw a tlakbuak a nih chuan free medical treatment pek a ni ang a ti a, Covid 19 vanga nunna an chan a nih chuan zangnadawmna \ha tawk tak pek an ni dawn a ni a ti a. Union Finance Minister pawhin hemi chungchang hi chiang takin a puang tawh a ni a ti.
Health Minister hian Covid 19 natna inkaichhawn awlsam tak enkawl tura inpe Medical team-te chhuanawm a tih thu a sawi a, Covid 19 Case hmasa ber enkawl tur team doctor te leh nurse te leh anmahni puitute huaisenna leh inpekna Mizoramin a theihnghilh tawh lovang a ti a. An tan mi tam tak an tawngtai reng a ni a ti.
Health Minister hian ‘pawngpaw hlauhna’ mipui rilruah a intuh nasa lutuk deuh nia a lan thu a sawi a, mipuite chiai lo turin a chah a ni. Health Minister thusawi hi zan dar 8 ah tih chhuah a ni ang.
