Ni 3 chhung vel Mizorama lirthei lut mumal lo hian Aizawl Bazarpui a nghawng hman a. Bazar tlawhtu Zonet Corr. sawi danin phai a\anga chawhmeh hrang hrang zawrh tur a thlen mumal loh avangin a awm chhun pawh a hma aiin a to a, Tomato pawh buaina thlen hmaa KG a cheng 30 vel chu cheng 50 leh 60 ah a kai chho a, Zikhlum leh parbawr pawh kg-a cheng 18 a hralh \hin chu cheng 40 a kai chho a ni. Phai a\anga chawk luh bakah tualchhunga thlai thar \henkhat pawh a man a to chho ve nghal bawk. ZONET zawhna chhangin chawhmeh zuarte chuan, phai lam a\angin thlai \henkhat chu nizan khan tlem azawng a lo thleng a, hnamdang lirthei Mizoramah an luh \hat ngam loh avangin an order sa te pawh a hranin Aizawl a\angin a phur tur lirthei an tir a, a phurh man a to tak avangin an thil zawrhte chu nidang aia an tih to a \ul niin an sawi. Phai sangha pawh a thlen loh avangin sangha zuarten zawrh tur an nei lo a, an \hutna pawh a ruak huai a, tuikhuah sangha zuar mi tlemte hmuh tur an awm thung. Sangha zuarte pawh hian sangha phur tur hian Mizoram a\anga lirthei tirh an tum thu Zonet an hrilh a ni.
