Thusawiin MJA President, Pu Zonunsanga Khiangte chuan Pathian fakna hla hlim taka saa jail tangte lamtual khata an lam chu thil danglam tak leh rilru khawih tak a nih thu te sawiin, jail a\anga an chhuah hunah pawh nunphung pangngaia nunga Pathian faka lam chhunzawm zel tum turin jail tangte chu a fuih a, \um khat mai ni lo, \um tam tak pawi lo khawih tawhte pawh Police ten pawikhawih ching an chhinchhiah zinga tel tawh loh tum turin a fuih bawk.
Central YMA Vice President, Pu R. Lalngheta pawhin thu sawiin, Jail tangte chu jail a\anga an chhuah hunah jail-a lut nawn tawh lo tura an rilru siam tur leh nunphung pangngaia nung tawh turin a fuih a, an lo chhuah huna mihring khawsak phung pangngaia an nun leh theih nan tun a\anga intuaihriam tur leh midang tana malsawmna ni thei tura insiam\ha turin a fuih a ni. He Advance Christmas-ah hian Shalom Chief Executive Dr. Chawnglungmuana’n hunserh a hmang a, an pawlin jail-a rawngbawlna kum 2001 a\anga an \an tun thlenga chhunzawm chhoh zel theih a ni chu lawmawm a tih thu a sawi a ni.
