MPCC President, Pu Lal Thanhawla’n Mizoramah Congress a sorkar a\angin a pung awma pawisa dahna Bank lem a awm ta lo niin vawiina an party political session, Congress Bhavan-a neihah a sawi a. Mizoram chu ram puma GSDP \ha thlan chhuah, state 4 zingah a tel niin a sawi. Pu Lal Thanhawla chuan, Mizoram GSDP \hanna chu sorkar laipui GDP \hanna aiin a sang zawk niin a sawi a, mi \henkhatin sorkar chu sawi chhe \hin mah se ram pumah, state hmasawn \ha berte zinga mi nia sawiin, sorkar laipui agency hrang hrangte tehnaah pawh a sang hle niin a sawi. Pu Lal Thanhawla chuan, Mizoram chu ram pumah mipui chaw khawpkham lo, ei leh bar tlachham tlemna ber state niin a sawi a, hemi leh sorkar hlawhtlinna hrang hrang chu NLUP leh NEDP vang nia sawiin, hemi a\anga hlawhtlinna te chu economist ho leh mi thiam hrang hrangin \ha an ti hle niin a sawi. Tuirial Hydro Electric Power chungchang sawiin Pu Lal Thanhawla chuan, PM-in a hawn ni khan kawlphetha siam chhuah, tlawm zawka lei theih dan tur ngaihtuahpui tura an dil angin kawlphetha hi tlawm zawka pek chhuah theih a beisei thu a sawi a, ni zung chakna hmang kawlphetha siam chhuah dan tur pawh buaipui mek niin a sawi. Pu Lal Thanhawla chuan, Myanmar leh Arakan Army helte inkah avangin Zohnahthlakten harsatna an tawk niin a sawi a, Lawngtlai District-ah raltlan engemaw zat an awm mek tih sawiin, heng mite ral tlanna khuate hi a tet avang leh, inbiakpawh a harsat avangin anmahni enkawl kawngah harsatna a awm a, Assam Rifles-te nen thawkhoin a \ul anga \an lak zel a ni a, ral tlante hi an hmuna an kir leh theih nan Myanmar sipai hotute nen pawh inbiak a nih thu a sawi bawk. He inkhawm hi an party General Secretary, Pu RL Vala’n a kaihruai a ni.
