Sensitation Meeting of HIV, AIDS for member of Legislative Assembly tia vuah hi Assembly Speaker Pu Lalrinliana Sailo in a kaihruai a, HIV, AIDS, Cancer leh COVID-19 darh zel tur ven kawnga Health Minister leh a thawhpuite hmalakna chu chhuanawm a tih thu a sawi a, heng natna te hi rang taka hmuh chhuah a nih theih nan uar zawka mipui hnena zirtir a pawmawh thu a sawi. Pu Lalrinliana Sailo chuan, Cancer leh AIDS do kawngah \an lak a ngai hle tih a sawi a, state dangah HIV/AIDS vei an tlakhniam laiin Mizoramah a pung zawnga a kal chu zahthlak a tih thu leh manganthlak a tih thu a sawi a, MLA te chu ram hruaitu an nih angin an chetchhuah a ngai a, sum thawh pawh an inhuam a \ul tih a sawi.
Health Minister Dr. R. Lalthangliana pawhin thu sawiin HIV Aids vei tamna \henawm state Nagaland-ah MLA ten he natna do nan an fund atangin kumtin cheng nuai 2 an thawh \hin thu a sawi a, hemi ang hian Mizoamah pawh kalpui theih nise an sawtpui ngei a rin thu a sawi a, tun dinhmuna HIV/AIDS darh lohna tura hmalakna zawng zawng leh a vei mekte enkawlna kawnga hmalakna te chu sorkar laipui a\anga sum dawn hmanga kalpui a nih thu a sawi a, state budget-ah a hming ang lekin Rs. 20,000/- chauh dah a nih thu a sawi a, tuna HIV AIDS a Mizoram dinhmun ngaihtuahin a beitham hle tih sawiin a darh zel tur ven leh do kawngah MLA ten theih tawp chhuah a \ul tawh a ni a ti.
Sorkar thuchhuahin a tarlan danin kum 1990 atangin Mizoramah HIV/AIDS vei an awm em tih endik a nih a\anga tun thlengin he natna vei mi 21538 hmuhchhuah an ni tawh a, heng zing 1826 chu nu naupai an ni a, he natna avang thi 2539 an awm tawh. Puitling kum 15 leh 49 inkarah AIDS vei hmuhchhuah an tam ber a, zaa 2.04 a, ram chhungah Mizoram chu HIV kai thar tamna ber a ni.
Vawiin a HIV, Aids natna chungchang inhrilhfiahnaah hian COVID-19 leh Cancer natna chungchang MLA te hrilhfiah an ni bawk.
