He inkhawm Aizawl Press Club-a neih hi MJA Vice President, Pu Lalremsiama’n a kaihruai a, President Pu Zonunsanga Khiangte chuan, kum liamta 2019 kha MJA tan malsawmna tam tak dawn kum ni mah se, an thawhpui leh hruaitu mi 5 lai an chan kum a ni tih a sawi a, heng mite hi an hrereng dawn tih a sawi. Nikum kha MJA-in Press Tour a neih tam ber \um a nih thu leh Sorkar hotute duhsakna an dawng chu lawmawm a tih thu a sawi bawk. Pu Zonunsanga Khiangte chuan, MJA-in kawng hrang hranga hmasawnna neih zingah nunphung leh khawsak phung mawi zawk an zawh zel nia lang chu hmasawnna duhawm tak a ni, a ti a. MJA member-te chu an pawl danin a phuar tih hre tur leh member tharte pawh pawl tan mi \angkai tak nih tum \heuh turin a chah a ni.
MJA member lak thar mi 6-te chu lawmluh an ni a, President hovin Office Bearer-ten heng mite hi an lo lawm a ni. He inkhawmah hian tunhnaia Bangaluru leh Mysore-a Press Tour-a kalten an zin report an pe a, Press Tour-a kalte aiawhin Tour Leader, MJA Treasurer nibawk, Pu C. Lalhmachhuana’n zin report a pe a ni.
