Sericulture Minister, Pi Vanlalawmpuii Chawngthu chuan MNF-in kum 10 chhung ro an rel laia an thil tihchhiat tam tak Congress sorkarin a siamthat bakah hmasawnna lam thil thar tam tak a ti tawh niin a sawi. N. Vanlaiphai Lersia Hall-a vawiina inkhawmah he thu hi sawiin, Pi Vanlalawmpuii Chawngthu chuan Pu Lal Thanhawla kaihhruai sorkar chu mipuiin an nin loh avangin kumina Mizoram Assembly inthlanna neih turah an tlin leh ngei a beisei thu a sawi a, he inkhawmah hian an party zawm thar mi engemawzat a lawmlut bawk a ni.
