MNF party-in Mizorama kawng chhiat chhan chu kum 10 dawn lai thuneihna changtu, Congress sorkar inthlahdah vangah an puh a, vawiina Aizawl Press Club-a thuthar lakhawmtute a kawmnaah MNF Party Vigilance Dept Secretary, Pu T.J. Lalnuntluanga chuan, kawng chhiat lutuk avangin tlawmngai pawl hrang hrang leh lirthei neitute, kawng siamin an hnatlang tih thawm hriat fo a ni a, ei leh bar leh chak lakna kawng a chhiat avangin mipuiten harsatna nasa tak an tawk niin a sawi. Pu T.J. Lalnuntluanga chuan, sorkar laipuiin Seling Champhai kawng, National Highway No. 6-a a puan ni chu kum 2014 March ni 4 daih tawh kha a ni tih sawiin, he kawng enkawl hna hi Road Transport and Highway Ministry-in Mizoram PWD kutah kum 2015 Feb ni 17 khan a hlan niin a sawi a, kawng enkawl \hintu, Border Roads Organisation chuan hemi ni a\anga kum 2 chhung, a hmingin, hnathawk lovin he kawng hi a enkawl a, Mizoram sorkar chuan kumin March ni 31-ah chauh BRO kut a\angin kawng enkawl hna hi a la fel thei a, amaherawhchu kum 2015 Dec thla khan Seling leh Keifang inkar kawng leh Kawlkulh leh Khawzawl inkar kawng siam nan PWD chuan, Tender a chhuah thei tho si a, heta \ang hian he kawng hi Mizoram sorkar kutah a awm tih a lang a sawi. Pu T.J. Lalnuntluanga chuan, Road Transport and Highway Ministry-in he kawng enkawl hna hi BRO kut a\anga Mizoram PWD kuta a hlan tawh ber chuan engvangin nge Mizoram PWD hian kawng enkawl hna hi BRO kut a\angin kumin March ni 31-ah chauh an lak tih pawh zawhna a nih thu a sawi a, Kawlkulh leh Khawzawl inkar, KM 30 a thui siamna tur pawh kum 2016 November thla khan Rs. 13,92,15,224 hmuh a nih thu te, he hna thawktu, Contractor atan Nidhi Creative Infrastructure thlan a nih thute sawiin, Seling leh Keifang kawng siamna tur, Rs 14,53,18,568 pawh sorkar laipui a\angin kum 2015 November thla khan hmuh niin a sawi. Pu T.J. Lalnuntluanga chuan, heng kawng hrang hrang siamna atana sum hmuh vek tawh, a thawktu tur pawh tihfel vek tawh hi, kum 2016 kum tawp \hal lai leh kumin \hal lai khan siam sela, tuna harsatna hi pumpelh theih niin a sawi a, Congress sorkarin kawng chhiat chhana chhuanlam hrang hrang a siam \hin chu sim tur leh, inthlahdah lova mikhual rilru pu lova hna thawk turin an phut thu a sawi bawk.
