MNF party Campaign Directorate Chairman, MNF Vice President ni bawk Pu R Tlanghmingthanga’n CADC area-ah party dangin Candidate an dah vek hnuah sawiselna a awm loh avangin an party in Candidate an dah ve ta chauh niin a sawi.

He thu hi vawiina Aizawl North III Block MNF Conference Chanmari YMA Hall a neih a hmanpuinaah a sawi. Pu R Tlanghmingthanga chuan, Joint NGO-te ngenna ngai pawimawhin CADC-ah rei tak chhung Candidate dah lovin ngawih an chuh niin a sawi a, hetihlai hian BJP-in Candidate dah hmasa berin a dawtah Congress-in an dah ve leh a, sawiselna a awm em tih an ngaihchan reng hnuah duhlohna leh sawiselna engmah a awm tak loh avangin Candidate chu an dah ta niin a sawi.

MNF General Secretary Pu Lalruatkima pawhin thusawiin, Tuichawng bialah Mizo tan tlin ngaihna a awm lo niin a sawi a, thunun theih MLA neih nge \ha, thunun theih loh MLA neih tih ngaihtuah chungin thunun theih MLA candidate MNF chuan a dah ta niin a sawi

Inkhawm hi Aizawl North III MNF Block President Pu John Zosangliana’n a kaihruai a, he biala MNF Candidate Pu C Lalmuanpuia leh MNF Adviser Pu Robert Romawia Royte te pawhin thu an sawi bawk.