Vawiina an party office Hnam Runa Lok Sabha leh Aizawl West I bial bye election a hnehna an chan lawmna inkhawmah he thu hi a sawi a, Pu Zoramthanga chuan, MP leh MLA a tlin chu thil harsa tak a ni a, kum 2014 a MP inthlanah khan an khingpuite chu vote sang 6 velin an hneh lo a, tunah an party chu sang 8 chuangin an chak ve thung a ni a ti a, Aizawl West I bial byle election-ah vote sang 7 chuanga an chak thei chu lawmawm a tih thu a sawiin Pathianin an mamawh tawk chiah vote tu mipui a pe a, an hnehna chu uanpui chi a ni lo a ti.
Pu Zoramthanga chuan, MP atana thlan thar Pu C Lalrosanga chu nakina Kristian te nekchepna a awm pawha a \ul huna Champion thei tura hmalatu tur a ni a ti a, MNF party chu a dintirh a\anga tun thlengin hnam thlutlungah nghet takin a la ding reng a ni a ti.
Kum 1966 March ni 1-a zalenna sual chu Mizoramin a pumpelh theih loh, Pu Laldenga’n pumpelh tuma theihtawpa a beih niin a sawi a, khatihlaia Assam Chief Minister Pu Chaliha khan sipai a tirh luh loh theih loh thuin a rawn chhang a ni a ti a, kum 20 thisena baptist in Mizoram chu a awm a, hemi hmang hian \hangthar thlenga invenna tur hnam thinlung Pathianin Mizo te a pe ta a ni a ti.
Pu Zoramthanga chuan, inthlana an khingpui ZPM chuan BJP chu haw berah an insawi a, MNF chu a thawhpuituah theitawpin an puh tih sawiin zu zuar congress an thawhpui a, hetiang mi hi Pathianin hnehna a chan tir thei lo a ni a ti bawk.
