He thu hi vawiin a Kawnpui, Kolasib, Bilkhawthlir leh Vairengte khuaa Campaign beihpui a thlaknaah sawiin Pu Zoramthanga chuan, Pu Lalduhoma leh Pu K Sapdanga pawl ZPM chu Congress nen an \angho ta a, ZPM vanglai chu a liam der tawh a ni a ti a, MNF an \ha lo, Congress an \ha lo tia nasa taka au khan tunah Congress pawh an thawhpui duh ta a, eng mi chiah nge an nih a hriat chhoh mek a ni a ti.
Pu Zoramthanga chuan, Congress party chu zu an zawrh vanga \halai tam tak thihna thlentu, hmeithai leh fahrah tam tak siamtu an ni a ti a, hmanni lawka mipuiin an nin an paihthlak Development engkim tichawltu an ni a ti a. Congress nena thawhho duh lovin ZPM hotute chu MNF-ah an lut mek tih sawiin, an treasurer leh MLA candidate hluite leh mi \hahnem takin MNF an zawm a ni a ti.
Pu Zoramthanga chuan an khingpui ten an beihna ber Citizenship Amendment Bill chungchangah an beih zat pawh an la bei lo niin a sawi a, Chief Minister a nih hlimin Prime Minister leh Union Home Minister-ah na takin an duh loh thu a thlen nia sawiin Cabinet Meeting-in an duh loh thu an pass hnuah Assembly-ah pawh pass a ni a ti a, eptu pawlte chu sawisel tur zawng hrim hrimah a puh a ni.
Campaign beihpui an thlaknaah hian Serlui bialtu MLA Pu Lalrinsanga Ralte pawhin thu a sawi a ni.
