He thu hi vawiina Hnam R<n-a inkhawm a hmanpuina-ah sawiin Pu Zoramthanga chuan, an party chu inthlanah an chak ngei dawn niin a sawi a, hemi avang hian an khingpui ten rem leh rem lovin beihna tur an zawng niin a sawi a, an party ticket a ding tura an ruat Pu Robert Romawia Royte pawh kohhrana a thawhlawm thawh chungchangah tunhmaa an beih hlawhchham tawhna chu an rawn tharthawh leh nia sawiin ACB pawhin eirukna lam thil an hmuh loh avangin Case pawh an ziak lut lo niin a sawi. Pu Zoramthanga chuan, kum 1998-a Congress sorkar tawp lamin District 5 a puan chu MNF in thuneihna an chan khan tihpuitlin vek a nih thu a sawi a, hetihlai hian kum 2008 a MNF in District 3 a puan te erawhchu kum 10 chhungin Congress in a tipuitling ve duh lo nia sawiin kumin Assembly inthlana thuneihna an chan chuan an tipuitling vek dawn niin a sawi. Pu Zoramthanga chuan, thuneihna an chan chuan Sorkar hmasa in ram tana \ha tur a thawhte an chhunzawm vek tur thu a sawi a, Sinlung Hills Council pawh tihchangtlun a nih tur thu te, Sialkal Range Development Council te, Bru chungchanga hmalakna awm te chu chhunzawm vek an tum niin a sawi. Pu Zoramthanga chuan inthlan hun puan a nih tawh avangin Contract emaw, Supply emaw leh hna pek te chu khap vek a nih bakah sorkar hmalakna kal lai Beneficiaries oriented ang chi pawh khap a nih vek thu leh NLUP pawh sem chhunzawm theih a nih tawh loh thu sawiin sem chhunzawm a nih chuan enliam mai an tum loh thu a sawi bawk. Pu Zoramthanga hian an party zawmthar mi engemawzat a lawmlut nghal a ni.
Inkhawm hi an pawl Adviser Pu R. Kapzauva’n a kaihruai a, an pawl Vice President Pu R Tlanghmingthanga, Pu Malsawmpuia Ralte, Lallianzuala Fanai, Lailai Khuhly te bakah mipawimawh dang ten thu an sawi a ni.
