A lawmna inkhawm Saikuti Hall-a neihah an party Vice President, Dr. R. Lalthangliana, South Tuipui bial a\anga thlantlin a nih hnua Cabinet Minister-a hlankai tak te, Lunglei North bial a\anga thlantlin, Dr. Vanlal\anpuia te, Lunglei East bial a\anga thlantlin, Pu Lawmawma Tochhawng, Lunglei District High Power Committee Vice Chairman ni ta te, Lunglei West bial a\anga thlantlin Pu C. Lalrinsanga, Cabinet Minister-a hlankai tak te leh Lunglei South bial a\anga thlantlin, Dr. K. Pachhunga te chu chawimawi an ni a, ram leh mipuite tana \ha taka hna an thawh theihna turin Pathian hnenah hlan an ni. A lawmna inkhawma thusawitu Dr. R. Lalthangliana chuan MNF sorkar tharin Pathian duhdana ro a rel theih nan \awng\aisak \hin turin mipuite a ngen a, Dr. R. Lalthangliana chuan mipuite hnena an lo intiam tawh angin Pu Zoramthanga kaihhruai MNF sorkar Cabinet Meeting neih hmasak ber chuan zu zawrh a titawp a, hemi rual hian sorkar hmasa-in zu leina tura challan a pek fel tawh cheng nuai 45 zet chu sorkar sum a\anga rulh a ngai dawn niin a sawi a, mipui tam ber duhdan angin sikul \an hun tih danglam tum a nih thu te, ration-ah chini sem tel leh tum a nih thu te a sawi bawk. Dr. R. Lalthangliana chuan hmasawnna atana an party hmalakna tur lian ber Socio Economic Development Policy (SEDP) chu sum hmuh theihna tur te chik taka chhuta enfiah a nih hnuah duan a ni tih sawiin, hei hi thil tih theih ngei tur a nih avangin Mizo mipuite hnenah huaisen taka tlangzarh a ni a ti a, Dr. R. Lalthangliana chuan MNF sorkar hmalakna Congress sorkarin a tih hlawhtlin loh te chu chhunzawma tihhlawhtlin vek tum niin a sawi a, chungte chu Saitual, Khawzawl leh Hnahthial District lo puan tawh ataka tipuitlinga hnathawh tir te, Tlabung bul, Kawrpuichhuaha Bangladesh nen ramria insumdawn tawnna siam te, Aizawl leh Lunglei inkar kawng siam\hat te, sorkar laipui leh MNF inremna thuthlunga tun thlenga tihhlawhtlin loh la awm te tihlawhtling tura hmalak te, ram leh hnam tana pen chhuak Martar chhungte leh remna thuthlung siam hnua nunphung pangngaia lo let chhungkua te ngaihsak zuia chhawmdawlte chu sorkar hmalakna tur pawimawh zual zingah a tel niin a sawi a ni. He inkhawma thusawitu dang Agriculture Minister, Pu C. Lalrinsanga chuan NEDP hnuaia contract hna sorkar hmasain a lo pek tawh tihtawp lailawk a ni chu thil felfai zawka kalpuina tura thil pawimawh niin a sawi a ni.
Lunglei North bialtu MLA Dr. Vanlal\anpuia chuan hmasawnna atana kawlphetha tam zawk siam chhuah a pawimawh thu a sawi a, Lunglei East bialtu MLA Pu Lawmawma Tochhawng chuan tuna sorkar thar lo piang ta kaihruaitu chu MNF a ni a, a neitu chu Mizoram mipuite niin a sawi a ni.
