Dr R Lalthangliana chuan, SEDP hmangin mipuite eizawnna ngelnghet, an tu leh fa te thlenga chhenfakawm an siam sak dawn niin a sawi a, Congress NLUP anga sem ral mai mai leh hlawhchhampui ang a ni ve dawn lo niin a sawi. Dr R Lalthangliana chuan, Congress sorkar zu zawrh chu nawhchizuar ten an hlawkpui ber niin zirchiang tuten an sawi niin a sawi a, Police leh \halai tam takin an thih phah a, khawtlang a rum nia sawiin thuneihna an chan chuan zu zawrh chu an ti tawp nghal dawn niin a sawi. Dr R Lalthangliana chuan, ZPM chu party pawh ni lo pawl pakhat ve mai niin a sawi a, hnathawk lova lal \hutthlenga \hut tumah puhin, Arbawm hal, alh hluai, rei lo tea mit leh ang chauh an ni dawn nia sawiin inthlan zawhrualin an rem duak dawn niin a sawi.
Inkhawm hi Aizawl North II Block MNF President Pu C Lalnunmawia’n a kaihruai a, he bial vil tura ruat Pu Laltlanzova Khiangte in thu a sawi a, Dr R Lalthangliana’n an party zawmthar mi engemawzat a lawmlut nghal bawk.
