Vawiina an party office Hnam Run inkhawmah thu sawiin Pu Zawma hian Chin National Day leh Mizoram State day inrual chiah chuan ngaihtuahna a ti thui hle tih a sawi a, Chin National Day tun hnaia an hmanpuinaah Chin State Chief Minister leh a thawhpui te nen an inkawm a, inkalpawhna kawngpui leh Lei \ha neih chu an ngaihpawimawh thu Chin State CM hi an hrilh tih a sawi.
Tun dinhmunah International Boundary-a daidan ni mahse Myanmar-a zo hnahthlakte nen in unauna thinlung an put tlat chuan lungrual takin an inzawm thei dawn tih Pu Zawma hian a sawi a. Look East Policy ni \hin chu Act east Policy a thlak a nih tawh avangin sorkar hmalaknain hun rei lo teah Silachar leh Guwahati atanga chak lak \hin chu Mizoramin a la hnuchhawn thei dawn a ni a ti a, Akyab, Tlabung leh |iau a\angin awlsam takin Mizoram mamawh an la chaw lut dawn niin a sawi.
Pu Zawma chuan, Myanmar-a Zohnahthlak zinga an hotute nen an inkawm honaah an hruaitu pakhat chuan an harsatna lai bera an rawn tlak thlakna Mizoram chu an lei Jerusalem nia an ngaih thu a hrilh tih a sawi a, Mizoram atanga kal te chu hnam dang enin an en loh thu sawi.
Pu Vanlalzawma chuan Arakan Army ten ni 75 chhung mana an hren, thi anga ngaih tawh NLD Party MP, Hawi Chin, Khumi hnam, Chief Minister Pu Zoramthanga hmalaknaa chhuah chu an tlawh tih sawiin MP hian lawmthu a lo hrilh tih a sawi a ni.
