MNF chuan, kum 2008-13 chhunga Chakma Autonomouse District Council a Congress sorkara eirukna nasa tak awm nia sawi chu Governor remtihna in nikum July thlaa din, Enquiry Commission in a chhui a, eirukna a awm ngei tih an report ah a lang a ni an ti a, he thilah hian MDC 13 leh official 2-te chu chhui mek an nih laiin khatih laia CEM Kali Kumar Tongchangya lakah thubuai ziah luh a ni ve lo niin an sawi a, thubuai siam sak ngei tur anih avangin FIR hi an theh lut ta tih an sawi. An FIR thehluhah hian khatih hun laia Lawngtlai DC Dr A Mutthamma in a chhuina report pawh an thil tel a, hetah hian CADC Executive Secretary Pu Digambar Chakma chuan Pu Kali Kumar Tongchawngya hnenah cheng Vbc 1 leh nuai 70 a pek ngei thu a sawi a, Pu Kali Kumar Tongchangya hian \awngkaa pe tura a tih angin Executive Secretary hian tangkafaiin a pe tih tarlan a ni an ti a, CAG Report thar berah pawh CEM hlui sum tih chingpen hi a lang nawn leh tih an tarlang bawk.
