MPC Party General Secretary, Pu Lalrinmawia’n ZPM Tangrual Pawl chu thuneihna pe turin Zoram mipuite a sawm a, vawiina MPC Party pisa-a inkhawmah he thu hi sawiin, sorkar hna a thawh chhungin Congress leh MNF sorkar a hrawn ve ve tawh thu leh, ram an kaihhruai dan kalphung pawh hre phak chinah a awm ve thu sawiin, ram hmasawnna tur leh mipuite hamthatna tura sorkar laipui a\anga hnathawhna tur sum, cheng vbc tél lo kal zingah Project lian lianin suam a tawh nasat avangin hmasawnna hna a thawh tak tak theih loh niin a sawi. Heng party pahnih, hruaitu ngai ve ve, kalphung la ngai reng neite hi ram kaihhruai leh tur chuan beisei tlak an ni tawh lo niin Pu Lalrinmawia chuan a sawi a, ZPM Tangrual Pawl lo ding ta chu ram leh mipui nghahfak, Congress leh MNF thlak tura mipuite beisei leh tinzawn ber, tuchhuante thleng tan pawha ram tana rohlu hnutchhiah thei tur niin a sawi bawk. MPC Party inkhawm hi General Secretary, Pu K. Lalremliana’n a kaihruai a ni.
